Ol Provep 24:2-7

²Nimu waea pape agu niminaaeme. Goa pua nimumi oro yalo wae pupitagi yada papena agaa agu teme.

³Aa meda nipu epe kone su epe makuae yae raapu piraliadare nipu ora epe ada-rupa pu patea. Goa pua nipuna ona nogo naaki raayo puri paloa piralimi.

⁴Go piaene aa nipumi yoto adaapu pe yaenu kaboa nipuna ada-para marubia salia.

⁵Aa nipu epe kone sua epe makuae waru rubina aaliare go aa nipu ora puri pabe aa alia. Goa pua nipuna ada kagure page puri waru mapabalia.

⁶King medame ada kagure medapara piri king meda raapu yada pulalo paliare mo epe kone sua makuae aanu madaa kone aba mealiare goa ora epelia. Goa pua mo yada papena mana page agaa aba waru minaawa yada waru makuae aa adaapu salia-daare mogo pulalo paliade yada ora nipumi mada wini palia.

⁷Epe kone-para epe makuae yae laapo-re ora madaa ia-pulu epe kone na-i aanuna kone luabu rabuaniaaya. Go yapare aanumi agaa adapu teme rabu agaa kone nasapimi aanuri pa agaa loraawa piruaeme.