NARONAA 24:4-15

⁴Makũ kũ madì Luda yã ma yãn dí. Ma Gbãnasĩndapinkide wɛ́gupu è, ma wutɛ nɛ̀sɛlɛ kutɛna, ma wɛ́ wɛ̃na.

⁵Yakubu burinↄ bùrakatɛna mana fá! Isaraila bizakutanↄn mana!

⁶Ò katɛna lán guvutɛ dàkonↄ bà, lán swa dↄ̀rↄ kara búnↄ bà. Ò de lán zà lí kũ Dikiri bànↄ bà, lán sida lí kũ ò kú í sarɛnↄ bà.

⁷Í ni ń orozãnↄ pa yɛ́rɛrɛ, ń pↄ́tↄ̃nanↄ ni í le manamana. Ń kína gbãna nigↄ̃ de Agaga pↄ́la, ń kpata ni tↄ́ bo.

⁸Luda ń bↄ́tɛ Misila, ò gbãna vĩ lán zùsɛ̃ntɛ bà. Òdi zĩ̀ ble buri kũ ò ibɛrɛɛ kpà kũńwonↄa, òdi ń wánↄ wíwi òdi ń pápa kũ kàao.

⁹Òdi sↄ̃pɛtɛ ò wútɛ lán músuu bà, dí mɛ́ ani fↄ̃ à ń futɛɛ? Luda arubarika da gbɛ̃ kũ oni sa mana ońnɛnↄgu, à gbɛ̃ kũ oni sa vãni ońnɛnↄ ká.

¹⁰Balaki pↄ fɛ̃̀ Balamui à ↄnɛ dↄ̀a à pì: Ma ibɛrɛnↄ kana yãin ma n sisi, akũ n sa mana òńnɛ gɛ̃̀n aakↄ̃ yá?

¹¹Ǹ tá n bɛa gↄ̃̀nↄ. Ma pì mani gba kɛnnɛmɛ yã, akũsↄ̃ Dikiri gìnnɛ ǹ láada le.

¹²Balamu pìnɛ: Mádi o gbɛ̃ kũ n ń zĩmanↄnɛroo!

¹³Ma pì bee tó n ma gba n bɛ kũ à pana kũ andurufuuo kũ wuraao, mani bo Dikiri yã kpɛ mà yã kɛ kũ ma zĩda pↄyeinaaoro, a mana ke a vãni. Yã kũ Dikiri pì mà on mani o.

¹⁴Matɛn tá ma gbɛ̃nↄ kĩnaa sà. Ǹ mↄ́ mà onnɛ lákũ gbɛ̃ pìnↄ ni kɛ n gbɛ̃nↄnɛ nà zia.

¹⁵Akũ Balamu yã kũ à èe ò à pì: Bɛↄ nɛ́ Balamu yãn dí, makũ kũ ma wɛ́ kɛ̃na yãn dí.