كْنتِ تِقٍ 24:4-15

⁴نَشَن عَلَ شُي رَ مّمَ، نَشَن عَلَ شِلِ شُنفبٍ كَنيِ شَ لَامَتُنيِ تٌمَ، نَشَن قَهَامُي سْتْمَ سُيِدِ كُي.

⁵يَشُبَ، عِ شَ كِرِ بَنشِيٍ رَيَبُ، عِسِرَيِلَ، عِ شَ لِنفِرَيٍ تٌقَن.

⁶عٍ فُلُنبَ رَقٍمَ، عٍ لُمَ عَلْ لَاكْي نَشَن نَ شُرٍ دّ رَ، عَلْ وُرِ بِلِيٍ عَلَتَلَ نَشٍيٍ سِشِ يٍ يِرٍ.

⁷يٍ مُ حْنمَ عِسِرَيِلَ حَمَ يِ رَ، تُنّ فٌرٌ مَ عٍ شَ سَنسِيٍ مَ عَ قَنيِ رَ. عٍ شَ مَنفّ سّنبّ فبٌ عَفَفَ بّ، عِسِرَيِلَ شَ مَنفّيَ شِلِ قَنيِ سْتْمَ نّ.

⁸عَلَ نَشَ عٍ رَ مِنِ مِسِرَ بْشِ مَ، عٍ سّنبّ فبٌ عَلْ سّشّ نِنفٍ. عٍ عٍ يَشُييٍ شُن نَكَنَمَ نّ، نَشٍيٍ عٍ شْرِ فِرَ مَ، عٍ عٍ قَشَمَ شَلِيٍ رَ.

⁹عٍ عٍ مَلَبُمَ نّ عَلْ يّتّ، ندٍ سُو سَمَ عٍ رَكٍلِدٍ؟ بَرِكَ شَ لُ مِشِ بّ نَشَن نَ دُبَ وٌ بّ، دَنكَ شَ لُ مِشِ بّ نَشَن نَ وٌ دَنكَ!»

¹⁰نَ كُي بَلَكِ نَشَ شْنْ بَلَمِ مَ عَ حَاشِ رَ. عَ نَشَ عَ قَلَ، «ﭑ عِ شِلِ نّ عِ شَ ﭑ يَشُييٍ دَنكَ، كْنْ عَ سَنيَ سَشَن ندٍ نَن يِ كِ، عِ نَ دُبَقٍ عٍ بّ!

¹¹كٍلِ بٍ كٍرٍن نَ! سِفَ عِ شْنيِ! ﭑ نُ بَرَ لَايِدِ تٌنفٌ عِ بّ وَلِ سَرٍ شَ قٍ رَ، كْنْ عَلَتَلَ مُ تِنشِ عِ شَ عَ سْتْ!»

¹²بَلَمِ نَشَ عَ يَابِ، «ﭑ مُ عَ قَلَ عِ شَ شّيرَيٍ بّ،

¹³‹هَلِ بَلَكِ عَ شَ بَنشِ نَن نَقٍ فبٍتِ نُن شّيمَ رَ ﭑ بّ، ﭑ مُ نْمَ سٍسٍ رَبَدٍ عَلَتَلَ مُ ﭑ يَمَرِ نَشَن نَ. عَلَتَلَ نَشَن مَسٍنمَ ﭑ بّ، ﭑ نْمَ فبِلٍندٍ نَ قْشْ رَ؟›

¹⁴عَوَ، يَكْسِ، ﭑ نَ فبِلٍنقٍ ﭑ شْنيِ، كْنْ عِ شَ عَ كٌلٌن يِ حَمَ نَشَن نَبَمَ وٌ رَ.»

¹⁵نَ تّمُي بَلَمِ نَشَ يِ مَسٍنيِ تِ عَ بّ؛ «بٍيٌرِ شَ دِ شّمّ بَلَمِ شَ مَسٍنيِ نَن يَ، نَشَن سٍيٍ عِفبّمَ عَ قَنيِ رَ،