4Mosestä Isrel äbot yäŋ-yäkŋat yäpmäŋ Ho pom teŋpeŋ Idom kome uruŋi kädagän kuna yäŋpäŋ Gwägu Gämäni kädet iwat yäpmäŋ Akaba kome käda kuŋkuŋ. Kädet käroŋi pähap kuŋatkä Isrel ämawebetä gaŋani nadäŋpäŋ Anutukät Mosesta kokwawak täŋpäŋ yäŋkuŋ; Imata Isip komeken täga itkumäŋopäŋ yäŋnikŋat yäpmäŋ kome jopiken äbäŋirän kumnayäŋ täkamäŋ ŋo? Ŋoken ketem bureni ba ume nämo! Täŋkaŋ ketem jopi mana ŋogänpäŋ naŋkä wakiinik nadäkamäŋ! yäk.
6Ude yäŋirä Yawetä gämok waki Isrel ämawebe bämopiken yäniŋ kireŋirän ämawebe yeŋpewä mäyap kumbuŋ.
7Ude täŋirä ämawebetä Mosesken äbä iwetkuŋ; Ninä Yawe ba gäka yäŋwawak man yäŋkumäŋo u momi täŋkumäŋ yäk. Unita Yaweken yäŋapik man yäŋiri gämok waki nin bämopninken itkaŋ u pewän paorut yäk. Ude yäŋirä Mosestä ämawebe u täŋkentäkta yäŋapik man yäŋkuk.
8Yäŋapik man ude yäŋirän Yawetä nadäŋpäŋ Moses ŋode iwetkuk; Gämok mäjoni kubä täŋkaŋ päya kujat käroŋi kubä terak kaŋ wabi. Ude täŋiri äma gämoktä yewani kubätä gämok mäjoni u kaŋpäŋä kumneŋtawä, kodak kaŋ irut!
9Ude iweränä Mosestä gämok mäjoni ainpäŋ täŋpäŋ päya kujat terak wabiŋkuk. Ude täŋirän äma ätu gämoktä yek täŋkuŋo uwä ainpäŋ gämok mäjoni täŋpani u kaŋkaŋ tägaŋkuŋ.
