Miti Mumu Ŋic 1:2-6

²Miti Mumu Ŋic e dâŋ kecʒiŋuc muwec: Wiacte wiac forakac i fâri tâmiric, â juju i wâc fâri tâmiric jaha.

³Ŋoŋe mâreŋko juhuc gie ʒocnehec baeŋgopieŋ irec fârine wemo wiac mo bâfuaeŋgopieŋ?

⁴Ŋic gaŋne gaŋne jaŋe fua omaec eeŋgopieŋ, â mâreŋ sâko mâreŋ e ine foweczi fohuc juekac jaha.

⁵Ehame ʒoaŋzi huc wefuc eekac, ehuc mocwâc wefuocte wefuekacko risieekac.

⁶Mâŋâŋ e juwic mâreŋkonec wefuekac erâ wâc faic mâreŋkonec wahaekac, iŋuc ehuc mâreŋ râreckehuc mocwâc risieekac.