Mga Awit 119:123-130

¹²³Napapagal ang aking mga mata sa paghihintay para sa iyong kaligtasan at sa matuwid mong salita.

¹²⁴Ipakita mo sa iyong lingkod ang katapatan mo sa tipan, at ituro mo sa akin ang iyong mga alituntunin.

¹²⁵Ako ay iyong lingkod; bigyan mo ako ng pang-unawa para malaman ko ang mga utos mo sa tipan.

¹²⁶Oras na para kumilos si Yahweh, dahil nilalabag ng mga tao ang iyong batas.

¹²⁷Tunay ngang minamahal ko ang iyong mga kautusan higit sa ginto, higit sa purong ginto.

¹²⁸Kaya nga, sumusunod ako nang mabuti sa lahat ng mga tagubilin mo, at napopoot ako sa bawat landas ng kamalian. PE.

¹²⁹Kahanga-hanga ang mga patakaran mo, kaya nga sinusunod ko ang mga ito.

¹³⁰Ang paglalahad ng mga salita mo ay nagbibigay ng liwanag; nagbibigay ito ng pang-unawa sa mga hindi naturuan.