Mboe 76:4-8

⁴O Anutu, nu mbotmbot lela azuŋka biibi leleene, mi nu ta biibi ŋonoono. Pa nu ndabokŋom kat mi mburom keskeezeŋom. Nu lip pa zin abal ta aliŋgumoraŋan.

⁵Kom koi bizin na, wal mburanŋan mi lelen imet kat. Mi nu porou ma lip pizin, tabe wal ku tila mi tiyo len mburu kizin malmal kana ma imap. Nu pun kom koi bizin ma tisu tiwe uri lup. Mi ko irao timaŋga mini na som. Malmal kan kizin na, wal mburanŋan. Tamen tirao be tikam kosa sa som.

⁶Anutu ki Yakop, indeeŋe ta nu yespokpok zin na, zin hos kizin raama kan tomtom bizin timetmeete ma timap, mi tisu timbombooren.

⁷O Merere, tomtom ta boozomen timototo u. Pa sombe nu ketem malmal, na asiŋ irao imender su kerem uunu? Som.

⁸Indeeŋe ta wal pakan tikam pataŋana pa wal ku isu toono ti na, nu mender pizin mi kamke zin ta boozomen. Nu mbot saamba, mi ur kadoono pa kan koi bizin. Tabe kam ma tomtom ta boozomen ki toono timoto kan mi timaane men.