Mbouŋ To Yes Israela 76:4-8

⁴O Maaron, yo mbonarim tiina. Yo paghunam ve ezam tiina kat. Uliiv loloz tintiina tau tigheen irau saawe.

⁵Koiamaiŋa, zeran ariaŋazi. Tiroiroi mako. Eemon yo uparav tomani zi le uliiv zi. Tauta tamtamon tsio tila tiyau gabua toozi to malmal isov imin lez. Yo urav koiamŋa tisov timataar, ve patazi tivaghengheen ila taan. Onoon, yes zeran ariaŋazi. Tirau kat pa ghamuuŋ malmal. Eemon irau tigham gabua eta mako.

⁶Maaron to Yakop, yo uparoi zi ve uyaon zi, le yes tau tilandoov hos tomania karis tisov titaptap tizi le timatmaat.

⁷O Maaron, yo mon ta tamtamon tisov tiroiroi payo. Pa ighe atem yavyav, sei irau iyooz ila naghom?

⁸Yes tau koiazŋa tighamgham pataŋani pazi ve titatan zi na, yo uyooz pazi, ve ugham mulin zi tisov. Yo uleep sambam, ve aliŋam izilam ve usavia atuya tau pale ughuru pa koiazŋa na. Ve saawe tau ughur atuya tana pazi, tamtamon tisov to taan tighita, le roiŋ igham zi, ve tineneeŋ mon.