Wâŋgiŋa Paneâŋa kâ 76:4-8

⁴Maro Kindeni, noko ŋa nde ŋalae ndo, aku ne sinâla isinala nia ndoni. Noko kumo âta ndo, kupolenzi tuu ŋalaŋala rârâni.

⁵Kinzi zugu tamâta ŋinde nenzi walo ŋalae, andeta Maro Kindeni, noko pwai nenzi kelekele arara rârâni saŋenzi lâ, aku kupunzi pâta sipamateteu. Aku nawalanzi toŋge ikura tu ikai ne temba-kula kâki kilo, ande tia.

⁶Mao nâ, Yakopu ne Maro Kindeni, noko kusuŋa kawa kâki ŋalae lâ, ŋineŋga zugu tamâta rârâni sitavanzi nenzi hosi rârâni nde sipamateteu lâ, kala sikeno tâno kulu.

⁷Maro Kindeni, kinzi tamâta rârâni siruru pâta ŋanano. Ambo noko ma wisi nâna kala pwai kazâŋa panzi, ande tamâta toŋge ma ikura tu imuna ŋana noko ne wisi-nâna ŋinde kâ, ande tia ndo.

⁸Noko kumo samba ilo, aku kupatea pareŋa-nia panzi tamâta ŋinde lâ. Lâ zoni ndaina noko kumandi ku pwainzi tâno ŋine ne sugorai tamâta rârâni piti lâ kazâŋa ilo, ŋineŋga kupare nia pa nenzi kazâŋa tamâta. Tamâta rârâni simora ŋinde ku siruru ŋalae tina, kala simandi kawanzi buu nâ.