Malasu 18:3-9

³Wadela:i hou ea dabe da gogosiasu. Di da dia noga:i hou fisisia, dunu eno ilia dia hou hihi ba:mu.

⁴Dunu ida:iwane gala amo ea sia: ganodini hahawane dawa:su ba:mu. Fedege sia:, amo da hano wayabo bagade ea lugudu amola hano nawa:li ida:iwane agoai gala.

⁵Moloidafa hamosu dunu ilima fofada:nanu, se imunu da defea hame. Be wadela:i hamosu ilima fofada:nanu, se hame imunu, amo amolawane da defea hame.

⁶Gagaoui dunu da sia:ga gegesu hemosea, e da enoga e fama:ne logo doasisa.

⁷Gagaoui dunu da sia: sia:sea, e da hi gobele fawane wadela:sa. E da hina: sia: amoga fawane e da hina: saniga daha.

⁸Baligiduli sia:su da hedaidafa. Osobo bagade dunu da amo da:gimusa: hanai gala.

⁹Hihi dabuli dunu ea hou da liligi wadela:su dunu amo ea hou defele ba:sa.