Maka 8:5-10

⁵Yesuma꞉ iki pa꞉ta꞉ dupa lota꞉ pitolo alota꞉ Palaowa siki ekipu wia halemepe laa lota꞉ piekeme. Mo haliwekima꞉ alota꞉ Watake hata꞉e lemekeme.

⁶Yesuma꞉ mo wanda꞉hali wopu pa꞉ta꞉ alota꞉ Kenkena꞉ pita꞉pe leekeme. Kutupa mo palaowa siki watake hata꞉ meaata꞉ Koda꞉ pa꞉ta꞉ keiyae pi laa pindi pindi peaata꞉ ipika꞉ disaipolo haliwekima꞉ wanda꞉hali pa꞉ta꞉ hale hale pina꞉ haleekeme. Kutupa mo disaipolo haliwekima꞉ mo wanda꞉hali pa꞉ta꞉ mea hale hale pimikime.

⁷Ta꞉peli tepo a꞉nda꞉ make wia haemeke handaa Yesuma꞉ Koda꞉ pa꞉ta꞉ keiyae pi laata꞉ ipika꞉ disaipolo haliweki pa꞉ta꞉ alota꞉ Do ta꞉pelimanu make mea hale hale pipe leekeme.

⁸Kutupa paeyaoma꞉ naa weleke haemekeme. Mo wanda꞉halima꞉ naa putu piliki wieke ekita꞉ meaata꞉ ala꞉ta tieke watake hata꞉ tumbaemekeme. Wanda꞉halita꞉ 4 daoseni tupa꞉ wanda꞉hali haemekeme.

¹⁰Yesuma꞉ iki paeyao tapa tapa peaata꞉ koto kone ipika꞉ disaipolo haliweki ame̱le̱ kawaso pa꞉ta꞉ pita Da꞉la꞉ma꞉nuta da nane pemekeme.