Luukaṉu 1:32-35

³²Ilkari ngurrarangku piyuku watjaṉu, “Katja palunya tiṉarrirra, mayutju tiṉa nyinaku. Palunyaya yaṉangu tjuṯangku watjalku, ‘Paluru Katutjaku katjara.’ Katutjalu katja palunya nyinatjunku, mayutju tiṉa. Mayutju Tapitanya yurrunpa nyinangutja nguwanpa, mayutju tiṉa nyinaku.

³³Katja paluru Yitjurilaku ngaṉṯitja tjuṯa tjananya, kutu yaṉṯayaṉṯalku.”

³⁴Kulira Miirilu tjapiṉu ilkari ngurrara, “Yaalytjiyaalytjingkuṉa pipirri mantjilku?, watikuṉa ngurrpa, miiṯawiyaṉa.”

³⁵Ilkari ngurrarangku watjaṉura, “Miiri nyuntulakutu Katutjanyapula kuṉpu tiṉa palumpa kurrunpaṯarra tjungu ngalyankula puritjunanyingkanta katjan mantjilku. Nyuntupa katja palunya nyakulaya yaṉangu tjuṯangku watjalku, ‘Paluru Katutjakuṉu katja kutju nyinanyi.’”