LUKU 7:19-30

¹⁹à ń zĩ Diia aↄ̃ à la, àmbe gbɛ̃ kɛ̀ eé mↄ́ ũↄ́, ke wàgↄ̃ wɛ́ɛ dↄↄ gbɛ̃ pãndezimɛ?

²⁰Kɛ̀ gbɛ̃ pìnↄ kà Yesu kiia, aↄ̃ bènɛ: Yaaya Batisikɛri bé à wa zĩ wà n la, ḿbe gbɛ̃ kɛ̀ eé mↄ́ ũↄ́, ke wàgↄ̃ wɛ́ɛ dↄↄ gbɛ̃ pãndezimɛ?

²¹Zaa gwe gↄ̃ↄ Yesu gbɛ̃nↄ kɛ̃̀kↄ̃a pari kↄ̃n ń gyãanↄ kↄ̃n ń wãwãanↄ kↄ̃n ń zĩnnↄ. À tò vĩ̀anↄ guu è pari dↄ.

²²Ben à bè Yaaya zĩ̀rinↄnɛ: À gá à yã kɛ̀ á è bensↄ̃ á mànↄ gbãnɛ. À onɛ vĩ̀anↄↄ e guu ee, ɛrɛnↄↄ e táa oo, kusunↄↄ e kɛ̃ɛkↄ̃a, swãdoonↄↄ e yã maa, gɛ̀nↄↄ e fɛɛɛ, takaasideenↄↄ e baaru nna waazi maa.

²³Aubarikadeen gbɛ̃ kɛ̀ è fu ma yãaroo ũ.

²⁴Kɛ̀ Yaaya zĩ̀rinↄ tà, Yesu Yaaya yã ò pariinɛ à bè: Bↄ́n a gaa gwa gbáan? Kàba kɛ̀ ĩa e nigãan yↄ́?

²⁵Bↄ́n a gaa gwa saa? Gbɛ̃ kɛ̀ pↄ́kãsã zãɛ danan yↄ́? Nnamari kɛ̀ aↄ̃è pↄ́kãsã maaa daanↄ ègↄ̃ kú kíbɛmɛ.

²⁶Bↄ́n a gaa gwa saa? Annabin yↄ́? Lɛmɛ! Mɛ́ɛ ooare à dɛ annabila se.

²⁷Zaakɛ Yaayan wà à yã kɛ̃̀ Luda yãn wà bè: Mɛ́ ma zĩ̀ri gbarɛ n ã à zɛ́ kɛkɛnnɛ.

²⁸Mɛ́ɛ ooare, nↄgbɛ̃ nɛ́'ina guu gbɛ̃kee e ká Yaaya ũro. Baa kↄ̃n beeeo gbɛ̃ kɛ̀ dɛ gbɛ̃ kpɛɛdee ũ kpata kɛ̀ bↄ̀ Luda kiia guu dɛàla.

²⁹Kɛ̀ baade píngi à yã mà, ai kↄ̃n bɛ'ↄↄsirinↄ sé, aↄ̃ yã nnaa kpà Ludaa, zaakɛ Yaaya ń batisi kɛ̀.

³⁰Farisinↄ kↄ̃n ludayãdannɛrinↄ sↄ̃ gì yã kɛ̀ Ludaa dìɛ à kɛńnɛzi, ben aↄ̃ↄe we Yaaya ń batisi kɛ̀ro.