Luku 6:8-35

⁸Hianagi inakna antahintahima hu'nazana, Agra ko antahino keno nehuno, azama haviza hu'nea neku huno, ama maka vahe zamavure otinka eno! Higeno ana ne'mo otino e'ne.

⁹Jisasi'a zamagriku anage hu'ne, Nagra tmantahinegoe, mni fruhu kna (Sabat) zupa knare zama hanuna zamo kasegefina knarera hunefi, havi tavutavama hanuna zamo knarera hu'ne? Vahera zamaza hugahumpi, vahera zamazeri haviza hugahune?

¹⁰Arukrahe huno ome zamagege, eme zamagema huteno Jisasi'a azamo'ma stinea ne'ku anage huno asami'ne, Kzana arusuto! Higeno agra ana hu'ne. Anama higeno'a, azamo'a eteno so'e hu'ne.

¹¹Hianagi kasegere ugagota hu'naza vahe'ene, Farisi vahera zamarimpamo'a aka hege'za, Jisasina naza huntegahune hu'za zamagra zamagra kehugantu hugama hu'naze.

¹²Anaknafina Jisasi'a nunamu hunaku agonarega marerino, Anumzamofontega ana kenegera nunamu ome nehigeno ko atune.

¹³Ko'ma netigeno'a amagema nentaza disaipol naga'a kehige'za ageno, anampinti 12fu'a aposolo nagare huno huhamprino, zmagi'a zami'ne.

¹⁴Saimoninku Pita'e huno mago agi'a nenteno, nefunku Endru'e hu'ne. Hagi Jemisi'e, Joni'e, Filipi'e, Bataromio'e.

¹⁵Matiu'e Tomasi'e, Alfiasi nemofo Jemisi'e, Saimoni Zealeti nagapinti nere.

¹⁶Hanki Jemisi nemofo agi'a Judasi'e. Hagi mago ne'mofo agi'a Judas Isakarioti'e, ha' vahe'mokizami zmazampi Jisasina komoru huno avarentesia nere.

¹⁷Jisasi'a amage'ma nentaza disaipol naga'ane agonaregati erami'za agupofi eme otinege'za, anante amage'ma nentaza tusi'a disaipol veamo'za eritru nehazageno, maka Judia kazigatiki Jerusaletiki, Saitonitiki, Taia hageri ankena regati'enena,

¹⁸ana vea'mo'za Jisasi naneke nentahisageno krizimi zmazeri knamresiegu emeri atru nehazageno, agru osu havi avamumo'za zmazeri haviza hu'naza vahera zmazeri knamare'ne.

¹⁹Tusi veamo'za avako hunaku hu'naze. Na'ankure tusi'a hihamumo Agripinti ne-egeno, avakoma hia vahera maka krizmimo'a atrezmante'ne.

²⁰Jisasi'a amage'ma nentaza disaipol naga'a zamufi nezmageno, amanage huno zmasami'ne. Tamamunte omane vahe'mota muse hiho. Na'ankure Anumzamofo Kumara tamagrire.

²¹Tamagaku'ma menina nehanamota, muse hiho. Na'ankure tamagrira Anumzamo'a tamaminigetma neramu hugahaze. Zavi'ma menima netenamota muse hiho. Na'ankure tamagra kiza regahaze.

²²Vahe'moza antahi haviza hunermante'za, tamahenati'za, kema neramasu'za, Vahe'mofo Mofavre'reku huza havi tamagima tamisazana! Anumzamo'a asomu huramantegahie.

²³Ana knazupa musenkase hugahaze. Na'ankure mizantimimo'a rama'a monafina me'ne. Na'ankure korapa zmagehe'za anahukna kasnampa vahera huzmante'naze.

²⁴Hianagi fenone vahe'mota tmasunku hutma ranknazampi manigahaze. Na'ankure tamagra ko tamazeri so'e hu'zana erivite'naze.

²⁵Menima tamagrama knare hutma ne'za neramu nehaza vahe'motma ranknazampi manigahaze. Na'ankure tmagaku hugahaze. Menima kizama neraza vahe'mota, tamagra ranknazampi manigahaze. Na'ankure tusi zavi krafa hugahaze.

²⁶Mika vahe'mo'za knare vahe mani'naze hu'za tmagriku'ma nehza vahe'mota ranknazampi manigahaze. Na'ankure zamagri nezmageho'za havige kasnampa vahetera anahukna huzmante'naze.

²⁷Hianagi anage hu'na neramasamue, izagato kema hugeta nentahimota, ha' vahetamia zamamesi nezmanteta, antahi haviza huneramantesaza vahera, knare tmavutmava huzmanteho.

²⁸Tamazeri havizahu ke huramantesaza vahera, asomu ke hunezmanteta, havi zmavu'zmava huramantesaza vahera nunamu huzmanteho.

²⁹Kameragente kahesimofona, rukrahe hugeno mago kazigane kaheno. Nakre kuka'a erisimofona, atregeno sioti ka'ane erino.

³⁰Mago'a zanku kantahi'gesagenka zami'nenana vahe'mokizmia, ete ome hanavege huzmantenka e'orio.

³¹Kagri'ma rumo'zama so'e zmuzma hugantesazegu'ma kave'nesiankna hunka rumokizmia, kagra so'e kavukva huzmanto.

³²Tamagri'ma tamesintesia vahe'ma, zmesi zmantesuta, nankna knare'za erigahaze? Na'ankure kumi' vahe'mo'zanena, zmesizmantaza vahera zamagri'enena anahukna hu'za zmesi nezmantaze.

³³Tamagrama, knare zamavuzmava huramantesaza vahe'ma, knare tamavutmava huzmentesuta, nankna knare'za erigahaze? Na'ankure kumi vahe'mo'za anahukna zmavuzmava zamagranena nehze.

³⁴Nofi'ma hu'za erite'za, ete anama'a eme namigahaze hunka antahi nezaminka zamisanana, nankna knare'za erigahaze? Kumi' vahe'mo'zanena anahukna hu'za kumi vahe'mofozana erite'za, ete nofima hu'nazana ana maka eme apanesaze.

³⁵Hianagi ha' vahe tamia tamavesinezmanteta knare tamavutmava hunezmanteta nofi'ma hu'za erisazana mago'zana ete nona'a erigahune huta ontahiho. E'i'nama hanuta mizantamimo'a rama'a me'nena, tamagra Mrerisa Anumzamofo mofavrerami manigahaze. Na'ankure susu hunontaza vahe'ene, havi vahe'mokizmi'a so'e hunezmantaze.