Lukka 1:34-40

³⁴Mariyama wi'i maleyka oon: —Noy ɗum laatortoo, sabo mi anndaa gorko?

³⁵Maleyka oon jaabii mo, wi'i: —Ruuhu Ceniiɗo jippoto e maaɗa, baawɗe Laamɗo Toowɗo cuddete. Saabe ɗuum, ɓiɗɗo mo ndimataa oon inndirte Ceniiɗo, Ɓii Laamɗo.

³⁶Ndaar, sakiike maa Elisabet du hooƴii reedu ley nayeewu muuɗum, o riman ɓiɗɗo gorko. Imo wi'enoo wo o dimaro, de joonin kaa imo wondi e reedu lewru jeegaɓurdu,

³⁷sabo walaa fuu ko Laamɗo waawaa.

³⁸Wakkati oon, Mariyama wi'i: —Inani kam, miin korɗo Joomiraaɗo, ɗum laatoranoo kam no mbiiruɗaa ni. Ndeen maleyka oon dilli to makko.

³⁹E ley balɗe ɗeen, Mariyama ummii, yehi law to wuro gomma wonngo ley baamle Yahuudiya.

⁴⁰O naati suudu Jakariyaa, o jowti Elisabet.