34स्वर्गदूतला चुह्रङ्बा ताम थेःसी मरियमसे “चु खाह्रङ् लसी तला? तिग्दा भिसम ङाइ ब्याह लबान आरे” भिसी भिजी।
35स्वर्गदूतसे मरियमदा “एथोरी परमेश्वरला आत्मा फेप्खला। ओच्छे एसे जम्मान भन्दा घ्रेन परमेश्वरला आत्माला शक्तिसे कोला न्हला। थेतबासेलमा थे कोलादा परमेश्वरला झा भिला।
36च्यागो, एला ह्राङला म्हि एलीशिबादाएनोन दिङ निबासे लमा कोला आन्ह भिसी भिमुबा। तर दान्दे थे न्हसेला तबा ला ढु तबा मुला।
37थेतबासेलमा परमेश्वरसे लआखम्बा गे तिगै आरे” भिसी मरियमदा जोहाब पिन्जी।
38ओच्छे मरियमसे स्वर्गदूतदा “ङा परमेश्वरदा तेन्बा म्हि हिन्ना, ङादा ह्राङसे भिबा ह्रङ्नोन तगै” भिसी भिमाहेन्से स्वर्गदूत निजी।
39तिगै धिन लिच्छा मरियम योना योना लसी यहूदिया अञ्चलला गङपट्टिला नाम्सा गिकरी निजी।
40ओच्छे जकरियाला दिमरी वाङ्सी एलीशिबादा “लास्सो फ्याफुल्ला” भिजी।