San Lucas 1:34-40

³⁴Dxejc gunabdiidx Marii lo xangl Dios, räjpni: ―¿Xho mood gac dee? Ni dxapxteeb narä, gajd narä gumbeä niguii.

³⁵Badzu' xangl Dios diidxre lojni, räjpni: ―Sprit Dxan xten Dios siääd lojlu, xcäḻrnibee Gueb Dios ni yu' xhaguibaa suhuajcwni luj si'c te za. Ni'cni bäz ni gaal sajcni te beṉdxan, sibälaj bejṉni Xi'n Dios.

³⁶Näjza sa'lu Elisabe't su' te xi'nni luxh anajcni te beṉgool; ni'cni gunaa nani najreni digacdi chu xi'nni agujc xho'p bäii nuuni bäz.

³⁷Xheti te cos ni naganduxhtej nez loj Dios ―räjp Xangl Dios.

³⁸Dxejcti räjp Marii: ―Narä nacä xmos Xtadnu Dios; mbaj, sugunnäj Dios narä si'ctisni gunii gueblu loä. Dxejcti biunejz angl xten Dios lojni, sä'tini.

³⁹Neṉ redxejga, basquejn Marii sääni lo te guejdx ni tre' neṉ redajn xten Judea.

⁴⁰Biu'ni rolijz Zacaríi, guniini xtidxbee loj Elisabe't.