Luke 1:5-58

⁵Ni vi khikle u-chu Herod, Ichu wu Judea, ni ntoh ima, Zakariya wu nhma ko Abijah ana Prist mba. U-wa ma eh'pu Haruna.

⁶Hambawu bana bi tie sissri Irji ie suron mba ni zren mba abhi ni shishi ma. Bata hu lantre Bachi nda ni hu ikpi bi wandi a nha dun ba ti'a.

⁷Bana he ni vivren wu ngrji mba na, Alisabatu anani ngrji na, u ba che hamba mba lonma.

⁸Inton Zakariya a ye ni dun kri ni shishi Irjin nda tie ndu Prist wa ndi chuu wu nclan ngrji ma a ku ni tu ma.

⁹Ba hu njo ni chu Prist wandi a ni tie ndu ni mi-tra u Bachimbu, nda gon ton nitu mbru mba.

¹⁰Ni-andi ahe ni mi, mbru ndiba ba ki ni rah nda si bre Irji mla ni nton wandi ton a si gon.

¹¹A kri toh Maleka Irji rju kri ni wo mla wu bubu gon ton-a.

¹²Ni-andi Zakariya ku shishi niwu, a kma tie lo'me i sissri a vuu.

¹³I Maleka a hla niwu ndi, “Na klu sissri na, Zakariya, nitu ibre me a rhi ton. Iwame Alisabatu ni ngrji ivren'llon niwu. Wu yo ndema ndi Yohana.

¹⁴Isuron me ni si i wu ngyiri, u gbugbu ndi ba ngyiri ni ngrji ma'a.

¹⁵A nii khikle ndji ni shishi Bachi. Ana so ihi mba mma wandi a sen na ihi na, Ruhu tsartsar wu Irji ni he ni wu rji ni mi nne yima.

¹⁶Gra ndji bi Israila ba kma hi ni Bachi Irji mba.

¹⁷Ani hi ni shishi Bachi ni ruhu mba gbenbgle Elijah. Ani tie ki nda kma suron ba-tti hi nitu mmri mba, don bi ka-wo baka zren nimi to u bi zren bi - nda mla nkon tie ni Bachi, ndji wa ba mla zi niwu'a

¹⁸Zakariya a hla ni Maleka ndi, “Mi tie ni he ni toh kpe yi? Mi chiche ndi i se wamu ba bran gbagbanmu ye.”

¹⁹Maleka kma sa wu da tre ndi, “ahi me Gabriel wandi ani kri ni fron Irji. A ton me du mi ye tre niwu, ndi mi nji lantre ndindi nji wu.

²⁰Mla wo! Wu son ni ngbangbi, wuna la tre na, se kpe wa mi hla niwu a wri. Ani toki nitu wuna kpa nyime ni lantre wandi mi hla wu na, ikpe wandi a ni wri ni tsra ni nton ma

²¹Ndji ba basiya gben Zakariya ndana rju na. Ba tie mamaki ni wu ton me nimi koh Irji.

²²Wa a rju ye niba, a tre wakran. Ba kri rhimmre ndi a to kpe ni mi koh Irji. A si tindu tsoro ba niwo, ama ndana tre na.

²³Ni-andi nton wu tindu ma a kle, a kma hi ni Kohma

²⁴Ni vi ba kii, iwama Alisabatu a hwrji-nne wu wha ton ndana du ndji du ba toh na. A tre ndi,

²⁵ngye kpe wandi Bachi mu tie ni mu nda yame ni lo suron nda chu shan rju ni mu ni shishi ndji.

²⁶Ni wha wu tanne, Irji a ton Maleka Gabriel hi ni gbu Galilee wandi ba yo ndi Nazareth,

²⁷du hi ni Maryamu, ih'pu Dawuda, wandi ba na haa zi ni ndi ri ni nde Yusufu. Maryamu ana rhi he toh lilon ni son ma.

²⁸A ye tre ni wu ndi, “Mi chiwu, wu wandi ba kpa nyime ni wu gra, Bachi he ni wu.

²⁹Itre a kpau tsi shishi, wa kma rhimmre nitu bibi ichi wandi a chiwu'a

³⁰Maleka a hla ni wu “Na tie sissri na, Maryamu, Irji a kma yawu ni lo suron.

³¹Ya yi, wu hwrji-nne ni ngrji vren. Wu yo ndema ndi Yesu.

³²Ani khikle ndji, ba yo vren khikle'a Bachi u shulu. Bachi Irji ni nuu tu chu bachi ma Dawuda.

³³Ani tie mulki wandi a na kle na nitu koh Yakubu, i ngbungblu wandi ani son nitu mba bana kle na.

³⁴Maryamu a hla ni Maleka, ikpe yi ni tie ni he nda wrhu to tre me. Ime mi rhihe wu toh lilon ni son mu.

³⁵Maleka a sa niwu ndi, “ Ruhu Tsatsra ni ku ni tume i gbengble Irji wu shulu ni kasuu. Vren Tsatsra wandi wu ngrji ba yow ndi Vivren Irji.

³⁶Toh, imlame Alisabatu a he ni nne vivren lilon ngame ni chichema. U wha ma wu tanne yi - wawu wandi bana tre ndi ana ngrji na.

³⁷Ekpe na ne wandi Irji na toh tie na.”

³⁸Maryamu a tre ndi, “toh, Bachi mu, mi vren wa wu ndume. Tie ni mu tsra ni kpeu wu hla'a.” Maleka a lu hi kpama nda don me.

³⁹Maryamu a lu lunde ni vi baki nda sima hi ni gbu bi ko tu-ngblu ba, ni gbu wu Judea.

⁴⁰A ka rhi ni koh Zakariya nda chi Alisabatu.

⁴¹Ni wandi Alisabatu wo chi wu Maryamu'a, kpran vren wandi a he ni nnema a luza i Ruhu Tsatsra a lu rhi ni Alisabatu

⁴²A lu ni khikle lan nda tre gbangban ndi “lulu he nitu me, ni mi mba, mba ni ibi wu mi nne me.

⁴³Nge tie ndu dun bachi mu dun ye ni me?

⁴⁴Ni wandi lan tre chi me a rhi ni nton mu, vi kpran vren wandi a he nimi nnemu a lu zah wu ngyiri.

⁴⁵A tie lulu ni wu wandi a kpanyme ndi ikpi biwandi Bachi Irji a dun be blah niwu ba wrhu to ki.

⁴⁶Maryamu a tre ndi “suron mu ni ngyiri ni Irji Bachi.”

⁴⁷Ie drimu ni ngyiri kpukpome ni Irji wandi a kpame chuwo.

⁴⁸A kma iyanchi vivren wa wu tindu ma. Ya, Irji zizan ikba ndi kankan ba tie lulu nimu.

⁴⁹Wawuyi a tie khikle ndu nimu, indu ma hi tsatsra.

⁵⁰Lo suron ni wruhle ma ni ha ikba hi ni ikba wu bi andi ba klu sissri ma'a.

⁵¹A chu ngbengble ni ngba woma tsro, nda vra bi nzutu ni tu mre wu suron mba.

⁵²A gbran mri bi tu chu grji ni bubu son mba, nda nzu biwandi bana he nitu kpe na lu.

⁵³A juu bi iyon ni ikpi bi ndindi nda zu bi iwu du ba hi hamani kpe.

⁵⁴A zo Israila, mri u ndu ma, ni duba rhimre nda wruhle

⁵⁵(na wandi a tre niba timba) ni Ibrahim baba ih'pu ma kase kase.

⁵⁶Maryamu ason mla u wha tra ni Alisabatu rhi nda kma hi ni koma.

⁵⁷Nton ngrji Alisabatu a tie, waa a ngrji vren ma, vren lon.

⁵⁸kpukpan son ma baba mlah ma ba wo khikle kpe ndi Bachi Irji tie, ni lo suron ma niwu, nda ngrji ni wu.