Lukas 6:24-29

²⁴Ma hataholi kamasuꞌi kala aa! Ei hambu soe, huu ei soda mala lamahoko, kada losa ia.

²⁵Hataholi makabete kala aa! Ei hambu soe, huu fai ndoen ana seli laꞌe ei. Hataholi mana hika-setelee taa no hada kala aa! Ei hambu soe, huu totoꞌak ana mai tao nala ei makadii-makau.

²⁶Hataholi mana sangga hada kala aa! Ei hambu soe, huu makahulun ei bei-baꞌi mala boe, ala koa-kio mana kokola masapepeko kala!”

²⁷Boe ma Yesus tuti, nae, “Pasa ndiꞌidook fo mamanene neulalau! O musi sue o musu mala, ma tao dedeꞌa malole neu hataholi mana husembuluk neu o.

²⁸Hule-haladoi fo moke Manetualain tao dedeꞌa malole neu hataholi mana sumba-soo o. Ma moke fo Ana tao dedeꞌa neulauk neu hataholi mana tao babalik o.

²⁹Mete ma hambu hataholi famba o nasum seli, na, mboꞌin fo ana famba seluk o nasum seli bali. Mete ma hambu hataholi namoa nala o badu jeket, na, fee tamba o badum neu ndia bali.