Lukas 6:24-29

²⁴Te ngaa dhèu kaja! Miu abhu mamadhe-mamopo, lula mamuri karejꞌe miu, dhoka dꞌai neꞌe di.

²⁵Dhèu dhu bècu-manèsa! Miu abhu mamadhe-mamopo, lula hèru manganga madèu dhu seli eele, mai salake nare miu. Dhèu dhu kea rae-rae sèra! Miu abhu mamadhe-mamopo, lula jꞌajꞌèra mai, tao miu tangi ngobꞌi-ngobꞌi.

²⁶Dhèu dhu dꞌèi dhèu koa-kadꞌiri! Miu abhu mamadhe-mamopo, lula uru sèra bèi-baki miu dꞌèi padꞌiri kahèi dhèu-dhèu dhu rèti lii leko-monya sèra!”

²⁷Hèia Yesus tuhu hari lii padhai Na, “Pasa dhilu ho nanene paie-iie! Èu hudꞌi sue ku musu èu, aa tao pabeꞌa laa mi dhèu dhu tèka dꞌara dènge èu.

²⁸Sabajꞌa ho manèngi Ama Lamatua, sèna ka hia babeꞌa mi dhèu dhu dhoo èu. Aa manèngi sèna ka Lamatua hia mèngi-nale mi dhèu dhu pajꞌèra èu rupa-rupa.

²⁹Ladhe dhèu tèbꞌe ripi èu cabèka, soro hari ripi cabèka ho na tèbꞌe. Ladhe dhèu parame rare kodho pana èu, na, hia hari laa kodho èu dhu leo.