Luk 6:24-29

²⁴“Ka꞉e, alisisi poposatilimale so, wua꞉ wolomape! Adipalati, wua꞉ta siyele kokoye ma-hauwapo.

²⁵Ka꞉e, daya wata susukalemha꞉ha꞉ so, wua꞉ wolomape! Adipalati, alotle wua꞉ dla daya ta꞉le kokota pulupe. Ka꞉e, eimelemha꞉ha꞉ so, wua꞉ wolomape! Adipalati, wua꞉ alotle dupa kolle mate a꞉lemha꞉ha꞉lepe.

²⁶Ka꞉e, opa hapulomata ka꞉ka꞉dena demha꞉ha꞉ so, wua꞉ wolomape! Adipalati, wua꞉ dla ka꞉ka꞉dena demha꞉ha꞉ so yia꞉ mamadulotapo biskapa God yu molo atlamalalo so dla mepo ka꞉ka꞉dena demha꞉ha꞉uwapo.”

²⁷“Anawolota na꞉ yu dalema꞉, na꞉ wua꞉ watle atlema, wua꞉ dla opahale demha꞉ha꞉ so dla bokotiyapo malamha꞉ha꞉iya, epame wua꞉ dla allilalo so dla ka꞉ka꞉dle koko halomha꞉ha꞉iya.

²⁸Wua꞉ dla puputlomalalo so yilo inoma sumha꞉ha꞉iya. Epame wua꞉ dla wotiyalle halopilalo so yilo inoma sumha꞉ha꞉iya.

²⁹Epame oplami haletapo wa꞉ damta dla heyulupiye, ka꞉dena, damta seme ma haiyeloweye. Epame oplami haleta wa꞉ kapumale tlukaye hamtlati ya꞉ watle wa꞉ sede ma me-hamine.