Luk 6:24-29

²⁴“Pen kale nɨbi bɨ mani nan iru mɨdöp gau nɨŋ aij gɨmim. Nan kale udep rö u, mɨnöŋ naböŋ adö iƚ i hadö udpim.

²⁵Pen kale mɨñi nan magö rö ñɨŋ gɨpe gɨpe mudun göp gau, hainö kɨyö lɨnab u nɨŋ aij gɨmim. Pen kale mɨñi manö mɨhol uƚɨb gɨ mɨdpim gau, hainö mög gö mɨɫöŋ magö gɨ mɨdeinabim.

²⁶Pen kalöp hib dap ranöl gɨ nöp mɨdeinaböl u, kale nɨŋ aij yabɨƚ gɨmim. Nɨhi iƚaŋ kale gau, bɨ God Manö piral hagmɨdal gau, kalɨp unbö rö gɨmɨdal.

²⁷“Pen nɨbi bɨ manö yad nɨŋabim gai i. Koƚmaƚ kale gau kalɨp mɨdmagö lɨmim. Nɨbi bɨ kalöp mulu lugö nɨŋbal gau kalɨp ud aij gɨmim.

²⁸Nɨbi bɨ kalöp hag juaiöl, God kalɨp abad mɨdeiaŋ a gɨmim, nɨp sabe gɨmim. Nɨbi bɨ kalöp gɨ naij gaiöl, kalɨp God nɨp sabe gɨmim.

²⁹Pen nɨbi bɨ rɨmnap kalöp alaun böŋ lap pakaiöl, ado gɨmim, böŋ lap u rö nöp paköl. Pen nɨbi bɨ rɨmnap kolsior kale u udaiöl, sior u rö abe udim a gɨmim, haƚöwaƚö ñɨmim.