Lukas 17:4-8

⁴Ia ge rata hale ioe balaka polorua na parava i taku, pali ge hamule valai vomu balaka polorua, ge taki tala, o lohopile a naro hale vona.”

⁵Muri e huriki a apostolo ri takia e Bakovi Dagi, ri ta maea, “O vakatora a niluhoi ne mia!”

⁶Pali e Bakovi Dagi i koli i ta maea, “Mua bara mu tahoka a niluhoi kiroko i manga a vutuna mastad, bara mu takia a kai iea ge malipu rike, ge vano ge pesi na dari, lakea bara i longototo.

⁷“E rei tara ne mua i tahoka a vora i varo a maki na hania, o a vora i matakari a sipsip, pali na tahuna i hamule valai na ruma ge takia, ge ta maea, ‘O valai malaviriri, o made turagu tu gu kani.’

⁸“I uka. A hini bara o takia vona, bara o ta maea, ‘O hilolo, o gutu a maki ni kani nau, o bole valai, ga kani, ga ninu taro iau. Muri bara o kani o ninu ke.’