Luka 18:6-14

⁶Ebu Zuhiꞌa Boroꞌa raenaꞌa, “Kota ibitohauꞌeteꞌe vazeḡa ani zuni mene duduḡa vazeḡa. Rehano aniꞌa nagini raꞌeteꞌe faine abitoꞌi!

⁷Badiꞌaꞌe, aneꞌa ohotiroteꞌe azaḡaniꞌa ohere zu madai ani uminine, ani zogone nagini duduḡa raꞌeteꞌe ḡauḡa ziniꞌuma ebu danazogaꞌe mene sasiꞌuma.

⁸E ziꞌohe, Badiꞌaꞌa nagini duduḡa raꞌeteꞌe ḡauḡa ḡarihe ziniꞌuma. Rehano eḡe, Vaze Ubuganiꞌa bare onaiꞌuma madaḡano, Badiꞌa mazao fieꞌeteꞌe vaze nu horoziꞌuma ga mene?”

⁹Iesuꞌa zeḡeꞌa zeḡe bare duduḡa rae raꞌeteꞌe zu vaze edeze ḡahizeꞌeteꞌe azaḡa mazao hari ꞌahoga idaniro.

¹⁰Ani raenaꞌa, “Mada ꞌahogano vaze ꞌaheu, Farisea vazeḡa zu takesi vazeḡaniꞌa kuranoḡa radu kuru neḡa itiro.

¹¹Ebu Farisea vazeḡaniꞌa edanadu ꞌahige kuraro, raenaꞌa, 'Badiꞌa, manoḡa tauḡi! Mazaḡa eꞌe vaze sauꞌazeta nu, aꞌe ḡonore azaḡa, haḡai sauꞌa azaḡa ebu ubuma ḡezo azaḡa mene heuḡa. Takesi ufeꞌeteꞌe vazeḡa omo zu mene heuḡa!

¹²Fura tiba zamaḡano, e ḡae ꞌaheu zaḡozaḡeꞌohe zu eꞌe hideꞌeteꞌe ḡauḡa niduꞌa zamaḡano gaubanana tiba ḡa ḡaneꞌohe.'

¹³U takesi vazeḡa ani faḡano edaro. Ani adure ḡoha zu mene ite ehamanadu ꞌuꞌuga faꞌofaꞌoneꞌenaꞌa kuraro, raenaꞌa, 'Badiꞌa, eꞌe sauꞌa vazeḡa, vetuḡahoꞌi!'”

¹⁴Ebu Iesuꞌa raenaꞌa, “E ziꞌohe, Badiꞌaꞌa Farisea vazeḡaꞌe mene duduḡa reiro. Rehano takesi vazeḡa ani duduḡa radu ani neḡa onamiro. Iniu vaze aneꞌa bare niḡa mae itine, Badiꞌaꞌa niḡa mae ovoiꞌuma, rehano iniu vaze aneꞌa bare niḡa mae ovoine, Badiꞌaꞌa niḡa mae itiꞌuma.”