LUKA 17:7-12

⁷Ese netat wabialam abra memegle wadawer, ei mara gedub wadirber; nerut kerkerge ei mara ebur wanaseserdlare, nade e taba dorgelam watakomer, nako ma abi detager, “Ma kei taba ge namri a lewer aro”?

⁸Ma umerkak abi detager! Mai akai abi detager, “Ma kara lewer dirsir, a keubu ga akai mabu barsir, a kei tabakiamu taba kari sirnami nade yaka kara lewer arwer. Keuba ya ma mabra lewer ero.”

⁹Ma umerkak ya able memegle eswao ikai nalu ge e ikeri nalu ge mama abi aukaise detagri e waikeri.

¹⁰E able orwairge wabidoge ikeredi. Nade wa gair lu ikereda ge wabi detagerda wa waikerda, wage bakaretwa, “Ki no memegle uridli. Ki no able dorge ikerda ge kerbi detagerda ki waikerda.”

¹¹mizmiz 17 nosik 11-19 Iesu digmer Ierusalemaem ege bakiamuda ge ikasereder Sameria ke irdireder a Galilaia ke irdireder.

¹²Nade ge e ikasereder able utebem, ege 10 Lepera legize abi opdipita. Wige murizge tikweider