Luk 17:7-12

⁷Ende qamb qamar: “An yurau end ger wonou sarau munon ger nob qamara is man isiau wotet a wai sipsip qoat ende at qib igama an mai mi yemetet wogub is arari yar mi niba?

⁸Ende ue, wo an igo wo wot arari yar mi yab, ya unab andara an gigit niari wo qanamt niba.

⁹Sarau munon eng ende aba wonou munon barai eng der uber wot qemeriba? Ende wot me qemerinerei.

¹⁰Eng gas ende an gor Qenu mi abar qamb aninob qamara ebet ugab gab eng an der ete qamarar, “Eng in ar sarau munon end ar sarau botoun,” ende qamarar.” Ende qamarei.

¹¹Yisas Yerusalem tap eng toat isub ne ai Samaria Galili nob wobon end qib igoai.

¹²Isi yarab ginam ger end isa ne munon iam qarab nob igour eng 10-ende wot yarab mugenderi ete naget igo amir: “Yisas, Barai in mai intoubarinen qiyo?”