Luke 17:7-12

⁷Aꞌ nil Jesus.an in-ngul thaw thanta, “Niiy nathwey pam thonam piꞌ-piꞌin nunang workan iiy-iiyiy niiyanta puth aak ngaanhan weꞌ-weꞌiy may kaampanakana, aꞌ minh sheep niiyantam anangan piꞌ-piꞌiy thananga. Yaa, nil paman nath wampiy workam ngulan-a, niiyan puth wik inangan keꞌ thawin nungant, ‘Ayyang, nint pal erkam wampāna, aꞌ nyiinān, aꞌ puth may mungkān ngatharanga!’ Yaꞌa, niiy wik yimanangan keꞌ thawin nunganta.

⁸Puth niiyana wik inangan ep thawin nungant, ‘Nint kan may kiingkān ngathara, aꞌ amanamana nint ngook min-minam ngul ngoonchāna, aꞌ may ngulan pal paththam kalān ngathara. Ngay may kanan minchathāng-a, amanamaniya nint ngul may mungkāna.’

⁹Nil pam alangan wik inangan ngeeyiy niiyangwey-a, niiyan puth thaaꞌ-kuump-kuumpin nunang ey? An yaꞌa, puth niiyam thawan nungant nil work anman iiy-iiyow niiyanta.

¹⁰Puth niiyantan yimanang thamp wunana: niiy nathwey wik yotam God.antaman ngeey-ngeeyinan-a, niiy ulp-ulpanangan keꞌ iiy-iiyān yaꞌa. Niiy thawān nungant God.antan, ‘Ngan min paththam yaꞌa, ngan work anman thonakam iiy-iiyanan nungkar work nintan theeꞌan nganta.’”

¹¹Aꞌ anpalaniya, nil Jesus.an kan-ngul iiy-iiy aak Jerusalem.akan, nil woyan anman wak-wak menh-menhangan iiy-iiy aak Samaria-a, putha aak Galilee wakanana.

¹²Anpalan-a, nil Jesus.an aak village thonamang ngoonch. Than pam ten al-alangan thathin nunang Jesus.an-a, than kecham pech-pechin nungant. Thananiya penchiyang mak thanang, nanpalan weech-weech thanang.