13Vaze ꞌahoganiꞌa vaze ḡuḡuvaḡa boꞌaḡanonoꞌo Iesu niro, raenaꞌa, “Ihore vazeḡa, mamafeꞌa mode rudaroteꞌe toheḡa nu rovonadu naeḡa eḡe enoga veize negohe noꞌi!”
14Iesuꞌa naenaeninaꞌa, “Nego, vaze ꞌahoganiꞌa toheze ḡahugeꞌeteꞌe haḡaiḡa veize e mene ohohiro.”
15Ebu Iesuꞌa ziro, raenaꞌa, “Za ununu haḡaiḡa mene haḡaifine, zamaze giganoꞌi! Mazaḡa vazeꞌa tohe ḡehaḡaonoꞌo ḡabone mene hideꞌohe.”
16Ebu ze hari ꞌahige idaniro, raenaꞌa, “Maꞌora vazeḡa ꞌahogaꞌe mebaḡano ogomu manomanoꞌa hudaro.
17Eꞌanoꞌo ani aneꞌa bare zamariro, raenaꞌa, 'E ogomuhe godoḡoga neḡaꞌe oꞌoꞌa. E nagini haḡaiꞌuma?'
18Ebu ani raenaꞌa, 'E ꞌadigine manoḡa! Ogomu tiꞌeteꞌe neḡa ibiꞌaꞌe fahadu boro iziga ogoratihi ebu ogomuhe zu tohehe niduꞌa eꞌea zouniꞌuma.'
Luka 12
Luka 12:13-18