LUKAS 12:13-18

¹³To benne' ladjw benne' zan ka' gože' Jesusen', na' wnné': —Benne' wsedle, gož benne' bicha'a gonne' da' žeyaḻa' chia' che da' gota' che x̱ato'.

¹⁴Jesusen' gože' ḻe': —Benne'. ¿Zoa no benne' bzoe' neda' nich wchi'a ḻaža'a ḻe'e, o wzoẕja' da' de chele?

¹⁵Naž Jesusen' gože' benne' ka' nníta'gake' ga na', na' wnné': —Le wia nga. Le gape chi'i kwinle nich bi tonle yeḻa' gape. Kégeze da' nápḻe'ele wzóan ḻe'e ḻo yeḻa' žebele.

¹⁶Naž Jesusen' bcháḻjḻene' ḻégake' da' bsaka' ḻebe', na' wnné': —Wzóa to benne' wdápeḻi'e yeḻa' wnni'a, na' bnéẕjwḻe'e yežlyó chie'.

¹⁷Naž wzá' ḻaže'e, na' wnné': “¿Nakx̱kze gona'? Bi nžo'o ga gape chi'a da' žonn yežlyó chia'.”

¹⁸Naž wnné': “Ki gona'. Wchinnja' yo'o ka' gan žape chi'a da' žata' chia', na' gona' yo'o ẕenže ka', gan gape chi'a da' žata' chia', na' dan' ba de chia'.