Leviticus 27:9-17

⁹Emun iyan impenaad din is uyaǥen he egkehimu he ibpemuhat diyà te Nengazen, heeyan he uyaǥen egkehimu en he gaked te Nengazen.

¹⁰Kinahanglan he kenè din en heini liwai te selakew en he uyaǥen, minsan pa ke edhuna he meupiya is idliwà etawa edliwaan. Emun ebeelan din heini ne sikan is uyaǥen he impenaad din wey sikan is uyaǥen he idliwè din ne pudu egkehimu he ǥaked te Nengazen.

¹¹Emun iyan impenaad din is meremerik he uyaǥen he kenà egkehimu he ibpemuhat diyà te Nengazen, ne uwita zin diyà te memumuhat haazà is uyaǥen.

¹²Ne edsusiyen heini zutun te memumuhat ke meupiya ve wey ke kenà, ne ebeliyan din heini te vali he kenè en egkahalinhalin.

¹³Emun edhewien dutun te teǥiǥaked haazà is uyaǥen kinahanglan he ebeyazan din haazà is prisyu te uyaǥen ne umani zin pa te 20 pursintu is bali kayi.

¹⁴Emun inhalad te etew is baley zin diyà te Nengazen, ne edsusiyen te memumuhat haazà is baley ke meupiya pe be wey ke kenè en, ne ebeliyan din heini te vali he kenè en egkahalinhalin.

¹⁵Emun edhewien te teǥiǥaked haazà is baley, kinahanglan he ebeyazan din is prisyu zutun te valey ne umani zin pa te 20 pursintu is bali kayi. Ne idlikù diyà te kandin haazà is baley.

¹⁶Emun inhalad te etew ziyà te Nengazen is bahin te tanè din he nepengevilin din puun te menge kepuun din, ebeliyan heini te memumuhat te vali he ibpesikad te kezekelà te venì he igkepemula zutun te tanà: is kada egkepemulaan te liwazà te saku he venì ne iyan bali zin is 20 he vuuk he pelata.

¹⁷Emun inhalad din is bevesukè din dutun te sikan pa meipus is Tuig te Kebeǥey te Bayàbayà wey Ked-ulì, is bali kayi ne iyan ded.