Leviticus 23:14-15

¹⁴Emun wazè niw pa heini ikepemuhat, ne kenè kew pa megkaan te minsan hengkey he kelasi te keenen he zuma te beǥu he midraǥun niw, mehilew man heini etawa sinandag etawa midlutù he supas. Heini he sulunuzen, kinahanglan he tumana niw taman te huziyan he lapis te menge kevuwazan niw, minsan hendei kew ed-ubpà.

¹⁵Kedlavey zutun te pitu he simana he iyan kebpuun te andew zutun te kedhelaza niw zuen te menge vinagkes he pungu, tiǥum kew ne pemuhat kew uman te pemuhat he para gasa puun dutun te menge pungu he veǥu pa he ineǥani niw. Ul-ulaha niw heini zutun te ike-50 he andew, he iyan kes andew te kegkeiwas te ikepitu he Andew te Kedhimeley. Is idhalad niw, ne zezuwa he supas he mibeelan he ziyà ebpuun te heepat he kilu te meupiya he kelasi te herina, he zuen din tapey. Ipemuhat niw heini he pemuhat he ibayew he ebpuun te nehuna he neraǥun niw.