Leviticus 20:9-13

⁹Is minsan hentei he edrewakan din is amey zin etawa iney zin kinahanglan he edhimetayan. Iyan dà sikandin egkevasul zutun te kedhimetayi kandin.

¹⁰Emun ebpekidhilavet is maama te esawa te zuma, ne sikandin wey kes bahi kinahanglan he edhimetayan.

¹¹Emun ebpekidhilavet is maama te sevaha te menge esawa te amey zin, mibpeel-elezan din is amey zin. Ne sikandan is dezuwa zutun te vahi kinahanglan he edhimetayan. Iyan dà sikandan egkevasul zutun te kemetayen dan.

¹²Emun is amey ebpekidhilavet te ambey zin, ne sikandan is dezuwa kinahanglan he edhimetayan. Su mezaat is mibeelan dan. Iyan dà sikandan egkevasul zutun te kemetayen dan.

¹³Emun is maama ebpekidhilavet te iring din he maama, ne sikandan is dezuwa kinahanglan he edhimetayan su utew mezaat is mibeelan dan. Diyè dà te kandan igkevasul is kemetayen dan.