La Bu 71:8-24

⁸Hijeh a chu nangma ka thangvah chim theilou na hi; Nilhum kei keia hi na loupina ka phondoh jing ahi.

⁹Tua, ka tehphat hin neipaidpoh hihin. Ka tha’n ajolou teng neinungsunhih in.

¹⁰Ka melmate hi keima douna di’nakihoutoh tauve. Amaho hin thadohding eigo tauvin ahi.

¹¹Amahon, “Pathen in anungsuntai che’u hitin gaman’u hite ajehchu tuahi koiman apanpi lou dingahi,” atiuve.

¹²Vo Pathen, munchom a potdohhih in, ka Pathen neihung panpi loiin.

¹³Keima eihehseho hi sunem’inlangsumang jengin, keimaeibolsenomho hi sujum’in langjachatsah in.

¹⁴Keima vang neikithopi ding’akinem jing ding ka hi; Keimannangma ka thangvahbe jing dingna hi.

¹⁵Keiman nangma chonphatnahohi mijouse ka seipeh ding ahi. Keima thusei them hihih jongleng na mihuhhingna thahatna hinilhumkei kei a ka phondoh jingding ahi.

¹⁶Vo Pakai thaneichungnung, keiman na thilbol nasatah tahho jeha ka thangvah ding na hi. Thudihchoija nangma bou na hi hi keimanmijouse ka seipeh ding ahi.

¹⁷Vo Pathen nang’in ka chapanlaia pat’a neinahil ahitai. Ken jong nathilbol kidangho hi midangho kaseipeh jing ding ahi.

¹⁸Tunvang keima ka tehtan ka samakang tai neinungsun hih in. Tu khangthahte lah a hin na thaneina hi samphong lengnge. Kei nung’a hung ding miho lah a jong na thilbol datmo umtahho jong phongdoh ing kate.

¹⁹Vo Pathen na chonphatna hi van sangpenho lah jong aphapeh e. O Pathen na thilbol kidangtahho hi koitoh na kitekahpi thei ding ham?

²⁰Hahsatna nasatah tah neithohsah in ahinlah nang’in ka hinkho na kiledohsah ding ahi’n chule lhan lah a kon’in jong neikaidoh in.

²¹Nang’in lolhinna sangjo cheh a jong neikiledohsah ding avel’a neihin lhamon ding ahi.

²²Hitengchulehkeiman semjangsaito tho’a nangma ka thangvah ding ahi, ajeh chu O Pathen nangma na kitepna a na thon ngaipoi.

²³Keiman nangma thangvahna laa hi kipah tah’a thongleuva ka sah ding ahi, ajeh chu nang in neihunglhatdoh tan ahi.

²⁴Keiman nangma thilphabolho hi sun nilhum a ka seiphongle ding ahi, ajeh chu keima eibolsego chun jachatna le jumna atoh tauvin ahi. Israelte Leng Dinga Taona