Yaburina 71:8-24

⁸N ni i tantunma nɛn fɛriɲɛn gbɛn! N yi i ya nɔrɔn matɔxɔ.

⁹I nama i mɛ n na amasɔtɔ iki, n bata fori. I nama n nabeɲin amasɔtɔ n fangan bata ɲan.

¹⁰N yaxune n mafalama. Naxanye waxi n faxa feni, ne e bode toma.

¹¹E naxa, “Ala bata a rabeɲin. En siga a fɔxɔ ra en yi a suxu. A xunba muxu mi na yi.”

¹²Ala, i nama i makuya n na. N ma Ala, i mafura, i fa n mali!

¹³Ala xa ne yarabi, e ɲan, naxanye n kansunma. Ala xa ne yagi, e xun nagodo naxanye waxi n maxɔlɔ feni.

¹⁴N xaxili tixi i ra tun! N mɔn sigama i tantunɲɛ tun!

¹⁵N ni i ya tinxinyaan matɔxɔma nɛn fɛriɲɛn gbɛn! E nun i ya marakisina, hali n to mi e birin kolon.

¹⁶Marigina Alatala, n fama i sɛnbɛn barakani, n ni i tan keden peen nan ma tinxinyaan matɔxɔma.

¹⁷Ala, xabu n xurun waxatin naxan yi, i n xaran nɛn. N mɔn i ya kabanakone matɔxɔma tun!

¹⁸Ala, iki, n bata fori, n xunsɛxɛn fan bata fuga. Koni i nama n nabeɲin fɔ n xa i sɛnbɛn nali iki muxune ma, n yi i ya fangana fe yɛba mayixɛtɛ famatɔne birin xa.

¹⁹Ala, i ya tinxinyaan bata kore li! I bata kabanako fe wuyaxi liga. Nde ligaxi alo i tan?

²⁰Hali i to tɔrɔn nun xɔlɛ gbeen nafa n ma, i mɔn n niin naxɛtɛma n yi nɛn. Hali n sa gaburun tilinxini bɔxɔn bun, i n natema nɛn mɔn.

²¹I n ma xunnayerenna ragboma ayi nɛn, i mɔn yi n madɛndɛn.

²²N na i tantunma nɛn kondenna ra i ya lannayana fe ra, n ma Ala. N tantun bɛtin bama i xa nɛn bɔlɔnni, Isirayila Sariɲantɔna.

²³N sɔnxɔma nɛn sɛwani n nɛma bɛti baani waxatin naxan yi amasɔtɔ i bata n xunba.

²⁴N ni i ya tinxinyaan matɔxɔma nɛn fɛriɲɛn gbɛn! Amasɔtɔ naxanye yi waxi n tɔrɔ feni, ne bata yagi, e yarabi.