Psalms 71:8-24

⁸Kom kotin kadireki au ai kapin o danke on komui.

⁹Kom der kotin kaje ia la ni ai mala, o der muei jan ia ni ai pan luetala.

¹⁰Pwe ai imwintiti kin palian ia ni ar lokaia, o me kin majamajan ia, kin kapakapun pena,

¹¹O indinda: Kot muei janer i, komail paki o koledi i, pwe jota jauaj pa a.

¹²Main Kot, kom der kotin doo wei jan ia, Main Kot! Kom kotin madando o jauaja ia.

¹³A me palian ia en namenokala o jarodi; o me rapa kin ia, pwen kame ia la, ren kadupale kidi namenok o lalaue.

¹⁴A i pan auiauita, o i pan kalaudela ai kapin on komui kokolata.

¹⁵Au ai en kaloki jili omui pun, o omui kamau pan ran karoj, me jota kak wadawad pena.

¹⁶I kin weweid jili ni mana en Ieowa Kaun; i pan kapina omui pun eta.

¹⁷Main Kot, kom kotin padaki on ia er jan ni ai pulepul, o i kaloki jili omui manaman akan jan maj kokodo lel met.

¹⁸Main Kot, kom der kotin muei jan ia ni ai mala, pit en mon ai lao puetepuetala, lao i pan padaki on jeri en jeri kan omui wiawia o on me pan kokodo omui manaman.

¹⁹Main Kot, omui pun meid ileile, kom kin wiada dodok lapalap. Main Kot, ij me rajon komui?

²⁰Pwe komui kotiki on kit er kamajak laud o toto, o kom kotin pur on kamau kit ada o wai ia dado jan nan waja lol.

²¹Komui pan kotin kaileile ia da, o kom pan kotin pur on kamait ia la.

²²I ap pan kapinaki komui kajan, pweki omui melel, ai Kot, i pan kauleki on komui arp, on komui, me Jaraui en Ijrael.

²³Kil in au ai o nen i, me re kotin dorelar, pan pereperen o kauli on komui.

²⁴Pil lo i pan indinda duen omui pun jan manjan lel jautik. Pwe irail, me men kawe ia la, namenokala o jarodier.