Kɛɛwotiiti 6:7-12

⁷GALA daawooi zu ɠɛni wɔɔlɔzu, kaladopoiti ti ɗa mɔin Zeeluzalɛme, zalaɠa ɠula nui ma mɔinmɔin ge ɠɛni ɠidaaleʋezu ɓalaa.

⁸Etiyɛni nii GALA ná-zaalai ta ná-zɛbɛi ɠɛni ba ga gola, é ɠɛni maaɓɛlɛ vaiti ta laavɔɔ ʋoogiti kɛɛzu nuɓusɛiti saama.

⁹Kɛlɛ nui tanigaa ti wuzeɠeni daalɔɠɔma, tanigaa ti zeɠeni GALA dɛbi ʋɛlɛi wu, nii daaseigi ga «Duɔi niiti ti unmɔɔgai,» naa tanigaa ti ɠɛni ga Silɛne Zuifuiti ta Alɛgezandili ʋeaiti, naa ʋɛɛ Silisi ta Azi Zuifuiti ba. Ti Etiyɛni maaɠaalini,

¹⁰kɛlɛ ti la ɠɛni ziɛzu bu, tɔɔzei é ɠɛni ɓɔɛzu ga ɠigi, nii Zɛnvu Ɲadegai ɠɛni feezu zea.

¹¹Ti veleni nuiti su, ti ɗa ɠɛ ma: «Gi goomɛnigɛ, é ɗa woo ɲɔi wo Moize ta GALA daalɔɠɔma.»

¹²Ʋele ɠana ti ʋuutugi leʋeni la nuɓusɛiti saama, ta totuɠɔiti, naa ʋɛɛ tɔ kalamɔinti ba, naa ʋoluma ti liini, ti so ga maaɓaai, ti ʋaa la tukpɔɠaaleʋe nu wolaiti pɔ.