7Ikwer-penhan Jesus-arl apenteyel-rnemel renh-rnem akalty-anthek. Akngeyel-anem ingwer-rnem ikwer-rnem-warl anyentilek. Jew-rnem-kenh Atyetyart ingwerel-rnem Jesus renh tnakek arrpemarl.
8Akngeyel Stephen renh rlterrkilek, renh arntarnt-arenh. Stephen ranem ilek-ilek mpwarek, arntety-rnem mwerrilek.
9Artwa ingwer-rnem ikwerety arlkarirrek. Artwa rernem Jew-rnem anenh, apmer Cyrene-areny-rnem-then, Alexandria tawen-areny-rnem-then. Rernem ilelhenh, rernemarl arwa alhewer alhenh-rnem. Artwa ingwer-rnem apmer Cilicia-areny-rnem-then apmer Asia-areny-rnem-then. Rernem Stephen-akerr ilterrek.
10Stephen-el renh-rnem irrpelthel antengilek, Itnweng Rlwart-akertel.
11Ikwer-penhan rernem artwa apmwernem thwenek, Stephen renh irrtywerremel ayntarrp-iletyek, “Anantherr Stephen renh awek, Moses-ek-then Akngeyek-then irrpelthirrenh.”
12Angka awek-penh Moses apentenh-rnem-then artwa ampwernem-then ahelirrek. Rernem-anem Stephen anterrkwemel Sanhedrin Council-warl-anem atnwenhek.
Acts 6
Acts 6:7-12