Kɔnti tife 26:15-63

¹⁵Gadi xa die nan yi ki e xabilɛ ki ma: Sefon, Xagi, Suni,

¹⁶Oseni, Eri,

¹⁷Arodi, Areli, nun e xabilɛe.

¹⁸Gadi bɔnsɔɛ xabilɛe nan na ki. E xasabi lan mixi wulu tongo naani, mixi kɛmɛ suuli nan ma.

¹⁹Yuda xa die nan yi ki: Eru nun Onan. Kɔnɔ e tan faxa Kanaan bɔxi nan ma.

²⁰Yuda xa die nan yi ki e xabilɛ ki ma: Selaha, Peresi, Sera, nun e xabilɛe.

²¹Peresi xa die nan yi ki: Xesiron, Xamuli, nun e xabilɛe.

²²Yuda bɔnsɔɛ xabilɛe nan na ki. E xasabi lan mixi wulu tongo solofere nun senni, mixi kɛmɛ suuli nan ma.

²³Isakari xa die nan yi ki e xabilɛ ki ma: Tola, Puwa,

²⁴Yasubu, Simiron, nun e xabilɛe.

²⁵Isakari bɔnsɔɛe nan na ki e xabilɛ ki ma. E xasabi lan mixi wulu tongo senni nun naani, mixi kɛmɛ saxan nan ma.

²⁶Sabulon xa die nan yi ki e xabilɛ ki ma: Seredi, Elon, Yaxaleeli, nun e xabilɛe.

²⁷Sabulon bɔnsɔɛ xabilɛe nan na ki. E xasabi lan mixi wulu tongo senni, mixi kɛmɛ suuli nan ma.

²⁸Yusufu xa die nan yi ki e xabilɛ ki ma: Manasi nun Efirami.

²⁹Manasi xa die nan yi ki: Makiri nun a xabilɛe. Makiri nan Galadi nun a xabilɛe sɔtɔ.

³⁰Galadi xa die nan yi ki e xabilɛ ki ma: Yeseri, Xeleki,

³¹Asirɛli, Sikemi,

³²Sɛmida, Xeferi, nun e xabilɛe.

³³Xeferi xa di xɛmɛ Selofexadi tan di ginɛe nan tun sɔtɔ. Nee xilie nan yi ki: Maxala, Nowa, Xogala, Milika nun Tirisa.

³⁴Manasi bɔnsɔɛ xabilɛe nan na ki. E xasabi lan mixi wulu tongo suuli nun firin, mixi kɛmɛ solofere nan ma.

³⁵Efirami xa die nan yi ki e xabilɛ ki ma: Sutela, Bekeri, Taxani, nun e xabilɛe.

³⁶Sutela xa di nan yi ki: Eran nun a xabilɛe.

³⁷Efirami xa die nan na ki. E xasabi lan mixi wulu tongo saxan nun firin, mixi kɛmɛ suuli nan ma. Yusufu xa mamadie nan na ki e xabilɛ ki ma.

³⁸Bunyamin xa die nan yi ki e xabilɛ ki ma: Bela, Asibeli, Axirama,

³⁹Sufami, Xufami, nun e xabilɛe.

⁴⁰Bela xa die naxa findi Arade, Naaman, nun e xabilɛe ra.

⁴¹Bunyamin xa die nan na ki e xabilɛ ki ma. E xasabi naxa lan mixi wulu tongo naani nun mixi suuli kɛmɛ senni ma.

⁴²Dana xa die nan yi ki e xabilɛ ki ma. Suxami nun a xabilɛe. Dana bɔnsɔɛ nan na ki e xabilɛ ki ma.

⁴³E xasabi naxa lan mixi wulu tongo senni nun naani, mixi kɛmɛ naani ma.

⁴⁴Aseri xa die nan yi ki e xabilɛ ki ma: Yimena, Yisiwi, Beriya, nun e xabilɛe.

⁴⁵Beriya xa die nan yi ki: Xeberi, Malakiyeli, nun e xabilɛe.

⁴⁶Aseri xa di ginɛ nu xili nɛ Sera.

⁴⁷Aserikae nan na ki e xabilɛ ki ma. E xasabi lan mixi wulu tongo suuli nun saxan, mixi kɛmɛ naani nan ma.

⁴⁸Nafatali xa die nan yi ki e xabilɛ ki ma: Yaxaseeli, Guni,

⁴⁹Yeseri, Silemi, nun e xabilɛe.

⁵⁰Nafatali bɔnsɔɛe nan na ki e xabilɛ ki ma. E xasabi lan mixi wulu tongo naani nun suuli, mixi kɛmɛ naani nan ma.

⁵¹Isirayilaka kɔnti lanxi mixi wulu kɛmɛ senni nun keren, mixi kɛmɛ solofere tongo saxan nan ma.

⁵²Alatala naxa a masen Munsa bɛ,

⁵³«Kanaan bɔxi itaxunma na mixie nan ma e bɔnsɔɛ xasabi ma, a findi e kɛ ra.

⁵⁴Bɔnsɔɛ birin kɛ sɔtɔma a xa mixie xasabi bɛrɛ nan na. Bɔnsɔɛ naxee xa mixie gbo, i nee gbe ragbo dangi booree ra, naxee xa mixi xurun.

⁵⁵N tan nan a ragirima bɔnsɔɛ birin lan a xa kɛ naxan sɔtɔ e bɔnsɔɛ xasabi ma.

⁵⁶Bɔxi itaxunyi findima Ala xa maragiri nan na, bɔnsɔɛ xungbee nun bɔnsɔɛ xurie tagi.»

⁵⁷Lewi bɔnsɔɛ nan yi ki naxee kɔnti e xabilɛ ki ma: Gerison, Kehati, Merari, nun e xabilɛe.

⁵⁸Lewi bɔnsɔɛ xabilɛe nan yi ki: Libini, Xebiron, Maxali, Musi, nun Kora. Kehati nu bara Amarama sɔtɔ.

⁵⁹Amarama xa ginɛ nu xili nɛ Yebedi, Lewi xa di ginɛ, naxan bari Misira. A naxa Haruna, Munsa, nun e maaginɛ Mariyama bari Amarama bɛ.

⁶⁰Haruna nu bara Nadabo, Abihu, Eleyasari, nun Itamari sɔtɔ di ra.

⁶¹Nadabo nun Abihu faxa nɛ, e to sɛrɛxɛ gan tɛ ra naxan mu daxa.

⁶²Di xɛmɛ naxan kɔnti Lewi bɔnsɔɛ ya ma, keli a kike keren ma han na xanbi, a xasabi lan mixi wulu mɔxɔɲɛn nun saxan nan ma. E xa kɔnti nu na a xati ma, barima e mu bɔxi sɔtɔ kɛ ra Isirayilakae ya ma.

⁶³Munsa nun Eleyasari sɛrɛxɛdubɛ na mixie nan kɔnti Mowaba bɔxi ma Yurudɛn xure sɛɛti ma Yeriko taa ya i,