Kɔnti tife 23:15-19

¹⁵Balami naxa a fala Balaki bɛ, «I xa lu be i xa sɛrɛxɛ fɛ ma, n tan xa n makuya dondoronti, n nun Alatala xa lu yire keren.»

¹⁶Alatala naxa mini Balami ma, a masenyi nde fi a ma, a fa a fala a bɛ, «Siga Balaki yire, i xa yi masenyi ti a bɛ.»

¹⁷Balami naxa gbilen Balaki yire, a a li a tixi a xa sɛrɛxɛ fɛ ma, a tan nun Mowaba kuntigie. Balaki naxa a maxɔrin, «Alatala munse masenxi?»

¹⁸Balami naxa yi masenyi ti a bɛ, «Balaki, keli. Siporo xa di xɛmɛ, i tuli mati.

¹⁹Ala mixi mu a ra, a mu wule falama. Adamadi mu a ra, a xa a xaxili masara. A mu a xui masarama. A mu nɛɛmuma a xa saatɛ ma. A mu laayidi kanama.