Kàdduy Waare 8:4-14

⁴Kàddug buur kilifteef la. Ana ku ko naan: «Looy def nii?»

⁵Ku dégg ndigal doo am lu la soof. Ku xelu, xam lu jot, xam doxalin.

⁶Mbir mu mu doon kat ak jotam ak doxalinam, waaye nit am na tiis wu ko diis.

⁷Kenn xamul luy xew ëllëg, kenn manula wax luy xew ëllëg.

⁸Kenn moomul bakkanam, ba man koo dese, kenn amul sañ-sañ ci bésub deeyam, kenn muccul ci boobu xare, te mbon du ca wallu boroom.

⁹Loolu lépp gis naa ko, ba may xalaat ci jépp jëfi kaw suuf; fi nit di yilife nit, muy loraange.

¹⁰Ma gis itam ñu bon ñu ñu rob, ñu daan yaale kër Yàlla ga, ñu di leen gërëme tey seeni jëf ca dëkk ba. Loolu it, cóolóoli neen.

¹¹Jëf ñaaw na, mbugal ma yeex, ba tax doom aadama sóobu ci mbon.

¹²Nit bàkkaar na téeméeri yoon, te teewul mu gudd fan. Xam naa it ne nee ñu ngëneel a ñeel ku ragal Yàlla, ndax wormaal ko.

¹³Ku bon, du am lu baax, fanam du màgg ni ker, ndax wormaalul Yàlla.

¹⁴Waaye cóolóoli neen a ngi am fi kaw suuf: Ku jub jot yoolu ku bon, ku bon jot yoolu ku jub. Ma ne loolu it cóolóoli neen la.