Kàdduy Waare 6:3-11

³Ku giir téeméeri doom, dund ati at, ak lu at ya bare bare, su bégewul teraanga ja mu am te amul njégu bàmmeelam sax, kooku lumb wu tuuroo ko tane.

⁴Lumb wa ñëw na moos ci neen, bàddoo lëndëm, turam sàngoo lëndëm.

⁵Gisul jant, xamu ko, waaye noflaay moo ko ëpple mag ma,

⁶bu dundoon junniy junniy at sax te amul jàmm. Xanaa du benn bérab la ñépp jëm?

⁷Nit ak doñ-doñam jépp, biiram, te taxul mu doylu.

⁸Ana lu boroom xel ëpplee ku dofe? Nga ñàkk, xam doxalin, lu mu lay jariñ?

⁹Doyloo li nga gis a gën di wéye xemmem. Loolu it, cóolóoli neen ak napp um ngelaw.

¹⁰Lu masa ay, dees koo tuddoon; lu doom aadama doon, xamees na ko, te kenn du layook ku la sut.

¹¹Loo ci wax wax, solo sa gëna néew. Kon ana loo ci jële?