MƐBORIMƐ WÉÌTÌ 6:3-11

³Yoo onìtì wèè mɔ̀kɛ ibí tɛkɔ̀ùtɛ̀ (100), kòo fòmmu mɔntɛ, ò mɛ nyí sɑ̀nnɛ̀ diwɛ̀ì kɛ ku, bɑ́ bɛ̀ í nhò kũnnɛ́ sɛ́i. Mí nkpɛ́í mbɛ̀ pùó nwè kɛ̀ tì donní o kpɛrɛ wenninɛ̀mu dɛ yiɛ̀ nkpɛrɛ.

⁴Kɛ yɛ̃́ ò yɛ̀nnímɛ̀ dibiìnnì ndi kɛ tɑ kudɔnkù kɛ̀ dɛ̀ dèè.

⁵Bɑ́ ò í yɑ̀ diyiè, kɛ í dì yĩ̀ɛ̃́tɛ́. O kó mɛom̀pùmɛ̀ pɛ̃ɛ̃tɛ́mu otɔù kɔ̃mɛ.

⁶Bɑ́ kɛ̀ dɛ kóo kpɑ̀ɑ̀tì do nfòù kɛ dɔ̀ yɛbie nsikɔupísìdɛ́ (2000), ò í yóó di diwɛ̀ì mɑrì. Bɛ̀ pùó nwè kɛ̀ tì donní o kpɛrɛ ò tɔ̃ũnɛ̀mu. Timɔu ti kũnti dibòrì dimɑ́ɑ̀ ndi.

⁷Onìtì pĩ́ mùù tɔ̃mmú kó dimɑ̀ɑ̀, ò mù pĩ nho nùù kpɛ́í nkɛ. Nɛ̀ mɛmmɛ bɑ́ dɛ̀ í ò nɑɑti.

⁸Kɛ̀ dɛ̀ dò mɛmmɛ wèè ciì ò pɛ̃ɛ̃tɛ́ bɑ kuyɛìnkù? Yɑ́ɑ̀ ocĩ̀rì wèè yɛ̃́ ò bo ndòmmɛ̀ bɛnìtìbɛ̀ ììkɛ̀?

⁹A mɔkɛ dɛ̀ wenninɛ̀mu ɑ bo nyɑ́ɑ́mmɛ̀ ɑ í mɔkɛ dɛ̀. Dɛndɛ í dò nkɛ́bɑntɛ́ dɛ̀ í cɑ̃́ɑ̃́nnɛ̀ ɑ bo ndɔ́mɛ̀ kɛ́kpɑɑkɛ kuyɑɑkù.

¹⁰Dɛ̀ɛ̀ bo yíe ndɛ̀ do bomu nɛ̀ dimɔ̀nnì, kɛ̀ bɛ̀ dɛ̀ yu dɛ yètìrì. Fɔ̃́ nhonìtì ɑ bɑ́ɑ́ sɛi nwèè dɑ pɛ̃ɛ̃tɛ́.

¹¹Kɑ̀ɑ í yɛ̃́ ɑ dò nkɛ́nɑ́kɛ́ tì ɑ ɔ̃ nsũ ntinɑ́ɑǹtì nti tìì í mɔkɛ mucɔ̃́ntimu.