Kàdduy Waare 5:9-19

⁹Bëggkatu xaalis du doyal xaalis, bëggkatu alal du doyal tono, te loolu it, cóolóoli neen.

¹⁰Bu koom yokkoo, lekk-kat yi yokku. Ana lu muy jariñ boroom koom ga, xanaa di ko duufale bëtam?

¹¹Surga, lekkam néew, bare, mu nelaw, ba fàttey boram; boroom alal regg, du nopplu, du nelaw.

¹²Naqar wu réy laa gis fi kaw suuf: Alal ju boroom dajale ba loru,

¹³mbaa pexeem moy, mu sànkule; ba bu amee doom it, du ko wacce dara.

¹⁴Nga juddoo ci sa ndey loxoy neen, walbatiku dellu na nga dikke woon. Du dara loo ñaqoon ba yóbbaale ko.

¹⁵Dikke ni, delloo ni, loolu it tiis wu réy la. Doñ-doñi, ngelawal neen, ana jariñ la?

¹⁶Ngay dunde tiis bésoo bés, ak naqar ak wopp ak xol bu tàng!

¹⁷Lii daal laa ci gis, man. Li gën te jaadu ci nit: Na lekk, naan te bànneexoo ñaqam wu mu ñaqe kaw suuf giiru dund gi ko Yàlla may. Loolu mooy céram.

¹⁸Alal ak koom, ku ko Yàlla may, may ko mu tal koo xéewloo, mu nangu céram, bànneexoo ñaqam, loolu mayu Yàllaa.

¹⁹Yàllaa koy bànneexal, ba du tiisoo ay fanam.