Kàddu yu Xelu 27:9-17

⁹Diwook suuru day naatal xol; waaye li neex cib xarit, xol la lay digale.

¹⁰Bul fàtte sab xarit mbaa sa xaritu baay, bul jàq ba seeti sa mbokk; dëkkandoo bu jegee gën mbokk mu sore.

¹¹Muusal, doom, ma bég, ba mana tontu ku ma sikk.

¹²Kuy foog, gisu ay, làqu; ab téxét ne ca tëñëx, loru.

¹³Ku gàddul jaambur bor, jëlal mbubbam; tayle ko, moo dige feyal ndaw su yemadi.

¹⁴Nuyoo bu xumb, suba teel mooki saagaa yem.

¹⁵Jabar ju pànk mooy senn bu dakkul, cib taw;

¹⁶ku ko mana yemale, mana téye ngelaw mbaa nga ŋëb ag diw.

¹⁷Weñ ay nàmm weñ, nit ay nàmm xelu moroom ma.