9Noppuk me löpokus ra apwapwai leluken aramas, nge osukosuk a atai kinamwen aramas.
10Kosap likitala chiechiom me chiechien semelapom, nge kosap feila lon imwen pwiüm lon ränin om feiengau. Eman chon arum mi kan ngonuk a tongeni alisuk, lap seni eman pwiüm mi toau senuk.
11Nei, kopwe tipachem o apwapwai lelukei, pwe üpwe tongeni pälüeni ätewe mi aitengauaei.
12Eman aramas mi mirit a küna ewe feiengau mi feito o opola, nge ekewe chon wewemang ra chök feilong lon o feiengau.
13Kopwe angei üfen ätewe mi pwon pwe epwe mönätiu än eman wasöla liwinimang o amwöchü pwe asisilen an pwon ngeni eman chon ekis.
14Eman mi älälei chon arun fän leüömong pwe epwe feiöch lupwen an pwätä lesosorusich a usun chök pwe a otteki.
15Eman fefin mi lalapat a usun chök chiin üt mi püng fochofoch lupwen fansoun räningau.
16Om kopwe aükätiu än neminewe lal a usun chök om kopwe aükätiu asepwäl, ika om kopwe kumwuchuw noppuk lon poum.
17Mächä a akeni mächä, iei usun eman aramas a tongeni aöchüela pwal eman.
Än Salomon Fos 27
Än Salomon Fos 27:9-17