13Tontu te déggagoo, ndof la, ak ñàkk kersa.
14Ku bëgga dund, dékku woppi yaram, waaye xol bu jeex maneesu koo wéye.
15Ku am ug dégg wut xam-xam, ku rafet xel sàkku xam-xam.
16Deel maye, da lay ubbil bunt, di la àggle ci boroom daraja.
17Ku jëkke layoo, ñu ne yaa yey, ba keroog ka nga joteel weddi la.
18Tegoo bant day feyu ay, di àtte boroom doole yu jote.
19Jubook mbokk moo tooñ, jéggi tataa ko gëna yomb, mbaa ubbi bunt yu tëje ràpp.
20Làmmiñ feesal na biiru boroom, yoolu kàddu suur na boroom.
21Dund ak dee a ngi ci làmmiñ, te wax garab la, ku ko bëgg, lekk ca doom ya.
22Ku am jabar, am nga ngëneel, am nga yiwu Aji Sax ji.
Kàddu yu Xelu 18
Kàddu yu Xelu 18:13-22