John 1:6-17

⁶Eto embo vahai javo John amo usasa ta ke avo harikau embomeni ingito ke be ara God na ikenu puvuna.

⁸Eto embo John amo usasa mane rate usasa avo embo ta degi harikaja ikenu puvuna.

⁹Eto Ke amo usasa be embo usasa ta irora enda ta puvuna.

¹⁰Eto enda ta puvuna amita ingeni na hajire ikari aita puvuna te embo na kito kiaesira ea.

¹¹Eto tohota da be amina kogombena ai ta puvuna te amita embomeni na kito peketo umbae ea.

¹²Rate embo nei nei amuna kito peketo ke be ijio amita degi sovera ari ikenu umbuto God ta meniundi be ea.

¹³Amo enda ta meniundi mane bisi ta uje ta meniundi mane eto embo ta be ikari ta meniundi mane rate amo God ta meniundi be amina umo eonga iharira.

¹⁴Eto ke amina puvuto besi umbuto dagote mitiaetei amita usasa avo kia, Mamo ta Meni avoeto amita usasa amo ke be te hondate ari te na enetarira.

¹⁵Eto John na amita ke avo einge hande ena, “Embo nau ambota puvuresuja, ainge eona amo nau aja na na ingae iji te kiti ta mitouva avoeto embo amo peni ra eto na isapara. Eto embo amo puvija erevira,” ainge John na ena.

¹⁶Eto Iesu Keriso amo hondate ari embo avoeto hondate ari hamota hamota eto umbuora

¹⁷Eto ke pepeni Moses ta eto puvurari rate ke be te hondate ari te amo Iesu Keriso ta degi eto umbuora.