Dioni 1:6-17

⁶Hoto kemoike Dilavau au hoto louveve ata mole ivi Dioni hanavonu.

⁷Ige keu lohoale atagae hoto loui ata haivenu. Ata haivei isivialeike abu hoto ke evisi ehovai.

⁸Dioni keu ataga ke holioholinu. Isito keu lohoale atagae hoto loui ata haivenu.

⁹Ataga keu ataga seleve. Iale ataga keu lohoale vatae ata bahatamo halunu.

¹⁰Keu lohoale vatae ua. Keike vata vanu. Isito vatae ataeau valitisi hilokaholilu.

¹¹Keu vatae lohoale au ata haivege keau hotove evioholilu.

¹²Isito degomoleau igaegae hotove evisi abu uvu mai avuemo mavolu. Ige au au vuvunemo abuho loui avoe, “Laeau Dilava esea.”

¹³Ataeau ese houeveale kemo abu Dilava ese holioholilu. Isi vavae isivi mesoho atae isivi kemo keau Dilava ese holioholilu. Isito Dilava isivimoike abu eseve holilu.

¹⁴Hoto nehe keu ata holisi nahehi ua. Ige nahi ke elehage vaveveve keu seleve unaha. Ige keu au uvu mai nahiovei nahi tedaeveale keu duave unaha. Ige nahi atagave ke elehai hilokage Mamaveike au ataga ke mai au mo igae ominu.

¹⁵Ige Dioniu hotove loui ata namigevei avoe, “Di subuta ata ke deiadaike laheho lounu. Di loui kosea, ‘Ata molena bae di ehomai lohoi. Keu di evihale Kosive. Kosealemo di uoholisege keu subuta ua.’ Iale ata keike.”

¹⁶Ata keu Kosive baluga. Iale keu au uvu bahata mai nahiovei nahie hoesegevei vani bahata nahi tedaevema.

¹⁷Dilavau au menaka mai Mosese omiale kemo ataeau vaveve toela vage ke ibina abuna hatihati malei. Isito Iesu Kelisou hatiale kemo Dilavau nahi huhuevei nahie toela ulihai au hotoe dua mai nahiovenu.