Yon 1:6-17

⁶Yowbad nikayeb gamag teitan, tabibapta̱ysein gamags, yagan Yon.

⁷Yon neim; nawotet bikamtilakeids mo bitakines gamag towen ansinap kamnat, va̱gan kid babaw gamag mo bitasimounids waseg.

⁸Yon nag kamnat tatonen; misinaka ikamtilakeids bitakines mtowen kamnat tatonen.

⁹Mtowen kamnat mounid, immiteil wasigeis gamag tatanok tatanok. E, mtowen bo neim ven watinow.

¹⁰Im watinow, ven towen nibubun; tage ven watinow nag ikakins mtowen.

¹¹Inekes inagamag, tage bo ipiyaves.

¹²Mwasanin gog bo itams waseg mtowen mo ita̱mes tasiyas, va̱gan bimlavags Yowbad nitun tasiyas, peinan isimounids mtowen Mesay waseg.

¹³Nag ikopwes tasiyas, gamag buyvis waseg; nag. Nag ikopwes tasiyas peinan gamag sivines. Nag ikopwes tasiyas gamag sikaleiwag waseg; nag. Yowbad nakaleiwag waseg.

¹⁴Livan towen im watinow, imlavag gimgilitoun, nisik davanuys. Nakakin mtowen singay takamnat, mamagina Taman Natun tatonen, singaya isiwa̱youb, ansinap mounid waseg.

¹⁵Yon nikatimlakem, niwkuwak, ilana, “Mtowen liva̱nen nalivan: ‘Igaw watibweloug teitan beim, bimug waseg yey. Yey ba̱bus, peinan tutan gunakabsilamaw waseg, mtowen igawa nises.’

¹⁶“Mtowen guyaw avakaein; singaya ivvagein issekeids; nasiwa̱youb ikatitimweis bo ivakaein.

¹⁷“Moses bo isekeids nakaleiwag; tage Yeisuw Kelis isiwyoubuds ansinap mounid waseg.