يَيَ 1:6-17

⁶عَلَ نَشَ شّمّ ندٍ شّي، نَشَن نُ شِلِ يَيَ.

⁷سٍيدٍ نَن نُ عَ رَ، نَشَن قَ سٍيدٍحْشْيَ بَدٍ نَ نَءِيَلَنيِ شَ قٍ رَ، عَلَكٌ بِرِن شَ دَنشَنِيَ عَ سَابُي رَ.

⁸عَ تَن شَ مُ قِندِشِ نَ نَءِيَلَنيِ رَ، كْنْ عَ تَن قَ نّ عَ شَ سٍيدٍ بَ نَ نَءِيَلَنيِ شَ قٍ رَ.

⁹نَشَن قِندِشِ نَءِيَلَنيِ رَ، نَءِيَلَنيِ يَتِ نَ عَ رَ، نَشَن قَمَ دُنِحَ مَ، عَ شَ عَدَ مَدِيٍ بِرِن عِيَلَن.

¹⁰عَلَ شُي نَشَ سَبَتِ دُنِحَ مَ. دُنِحَ دَا عَ تَن نَن سَابُي رَ، كْنْ دُنِحَ تٌندِ نّ عَ كٌلٌندٍ.

¹¹عَ قَ نّ عَ شْنيِ، كْنْ عَ شَ مِشِيٍ مُ عَ رَ سّنّ.

¹²كْنْ نَشَن تَن بِرِن عَ رَ سّنّ، عٍ دَنشَنِيَ عَ مَ، عَ نَشَ نْي قِ نٍيٍ تَن مَ، عٍ شَ قِندِ عَلَ شَ دِيٍ رَ.

¹³نَ مُ كٍلِ عٍ بْنسْي شَ مَ، شَ نَ مُ قَتٍ بّندّ وَشْنيِ مَ، شَ نَ مُ مِشِ ندٍ وَشْنيِ مَ. عَلَ يّتّ نَن عَ نِيَ عٍ شَ بَرِ عَ نّينّ رَ، عٍ قِندِ عَ شَ دِيٍ رَ.

¹⁴عَلَ شُي نَشَ قِندِ عِبُنَدَ مَ رَ، عَ سَبَتِ مُشُ يَ مَ. مُشُ بَرَ عَ شَ نْرّ تٌ، عَ بَبَ نْرّ نَشَن قِشِ عَ شَ دِ كٍرٍنيِ مَ، هِننّنتٍيَ نُن نْندِ كَمَلِشِ نَشَن يِ.

¹⁵يَيَ نَشَ عَ شُي عِتٍ، عَ سٍيدٍحْشْيَ بَ عَ شَ قٍ مَ، «ﭑ يِ نَن مَ قٍ مَسٍن وٌ بّ، ﭑ تٌ عَ قَلَ، ‹نَشَن قَمَ ﭑ شَنبِ رَ، عَ تِدٍ فبٌ ﭑ بّ، بَرِ مَ بٍينُن ﭑ تَن شَ دَا، عَ تَن نُ نَ.›»

¹⁶وٌن بِرِن بَرَ هِننّ سْتْ عَ سَابُي رَ. عَ شَ هِننّ بَرَ فبٌ يّ وٌن يِ رَ.

¹⁷عَلَ سّرِيّ كِتَابُي قِ وٌن مَ عَننَبِ مُنسَ نَن سَابُي رَ. عَ شَ هِننّ نُن نْندِ تَن قَشِ وٌن مَ عَ شَ مِشِ سُفَندِشِ عِسَ نَن سَابُي رَ.